Pantun Suga Simadlup
Waktu pag angan-angan
Sin manga kabataan
Sambil na kamaasan
Labi in kamastalan.
Tahun putus piyugung
Hiyambuuk in isun
Papagsambung laungun
Bang unu in hinangun.
Waktu iban sin adlaw
Nabaktul ha way sasaw
Pa katan piyagpukaw
Kabtangan landu' linaw.
Ha maksud ini tuud
Nalibuku' in tuhud
Pa lupa' timararud
Sin pagtuy ha maksud.
Pantun suga simadlup
Wala' sa natagainup
In katan sin maksud
Agad-agad maliddup
Kabataan kasusahan
Wayruun na salian
Unu pa in tagaran
Sin maksud pasampayan.
No comments:
Post a Comment